علاجات نزلات البرد اثناء الحمل

موسم البرد 🤧 شغال 

الطبيعي ان مناعة الجسم بتضعف مع الحمل عشان الجسم يتقبل النونو الجديد ومايرفضوش 

عشان كدة دور البرد 🤒 اللي كان ممكن يفضل معاكي اسبوع ممكن يوصل عشر ايام واسبوعين في فترة الحمل وساعات كمان بتكون اعراضه اصعب 😵

خدي مني شوية النصايح ✍️ دي عشان نعدي الفترة بتاعة الجو السقعة 🌧 ده علي خير 👨‍🏫

1- نحاول نتدفي كويس 🧥 ونتقل شوية ومانخرجش من الجو الدافي ☀️ للسقعة مرة ❄️ واحدة ونبعد شوية عن اللي عندهم برد

2- محتاجين نشرب سوايل كتير 🥛 (جدا) 

3- ماتقلقيش الشوربة السخنة 🥣 و السوايل الدافية ☕️ مش غلط عالحمل ولا بتضر البيبي يعني الينسون والحلبة والنعناع والجنزبيل مفيهمش ضرر 

4- اللمون  الساخن 🍋 بالعسل احسن من دوا الكحة

5- بنادول الازرق والسيفامول والبارامول هيفيدوكي كتير وملهمش ضرر عالحمل وممكن ناخد لغاية 6 اقراص في اليوم يعني كل اربع ساعات

6- ادوية الكحة المستخلصة من الاعشاب زي البرونشيكم والهربال برونش كويسة ومش هاتضر النونو ولا الحمل وممكن كمان نستخدم استيل سيستين فوار مذيب للبلغم عند اللزوم 

7- نقط الملح (اوتريفين سلاين) بتعالج انسداد الانف وهتريحك كتير 

8- اقراص الاستحلاب زي بيكتول وستربسلز لاحتقان الزور مفيش منها خطورة

9- ادوية الحساساسية زي زيرتك او تيلفاست ينفع نستخدمها وهتبقي كويسة جدا للرشح وحساسية الانف

10- لو درجة الحرارة مابتنزلش او عندك حساسية علي صدرك او الكحة شديدة مابتهداش لازم نكشف عند دكتور امراض صدرية لان هنحتاج مضاد حيوي ساعتها وممكن تكون مشكلة مش صغيرة

و ماتقلقيش في قايمة طويلة من المضادات الحيوية الآمنة تماما للحوامل والفعالة جدا زي الهاي بيوتك وحقن السيفوتاكس وطبعا اقراص زيثروماكس عادي جدا نستخدمها