السونار الرباعي هل له قيمة تشخيصية؟!

السونار الرباعي… هل له قيمة تشخيصية؟

كتير من الناس فاكرة إن السونار الرباعي وسيلة لاكتشاف تشوهات الجنين

والحقيقة إن الكلام ده مش دقيق

السونار الرباعي (4D)

قيمته الأساسية شكلية وليس تشخيصية

📌 يعني إيه الكلام ده؟

يعني بنستخدمه عشان نشوف شكل البيبي بوضوح

لكن مش عشان نشخّص مشاكل

👈 التشخيص الحقيقي بيعتمد على:

السونار التفصيلي العادي (2D)

اللي بيقدر يقيّم:

• المخ
• العمود الفقري
• القلب (بشكل مبدئي)
• الكلى
• البطن

📌 السونار الرباعي ممكن يساعد فقط في حاجات محدودة زي:

• بعض عيوب الوجه (زي الشفة الأرنبية)
  لكن ده دور تكميلي مش أساسي

❗ بالنسبة لقلب الجنين

في عيوب كتير محتاجة فحص متخصص اسمه

Fetal Echo

مش السونار الرباعي

📌 كمان:

السونار الرباعي مالوش أي دور في:

• تحديد عمر الجنين
• أو فحص متلازمة داون

سمك الرقبة بيتقاس بالسونار العادي في أول 3 شهور

💡 الخلاصة:

السونار الرباعي وسيلة جميلة عشان نشوف البيبي ونفرح بيه ❤️

لكن مش وسيلة تشخيصية نعتمد عليها

ولو البيبي مدينا وشه 😊

بنصوره ونفرح… بدون أي تكلفة إضافية